புலனாய்வு ஆசான்: பிரிகேடியர் மாதவன் மாஸ்டர்

அளவெட்டி மண்ணில் உதித்து வந்தாய் — அன்று
அன்னியப் பாசறையில் பயிற்சி பெற்றாய்!
உலகத்து இராணுவப் போர்நூல்கள் யாவையும்
உயர்தமிழில் மொழிமாற்றி ஊட்டி வைத்தாய்!
புலனாய்வுத் துறையின் தனிப்பெரும் ஆசானாய்
புலிவீரர் நெஞ்சினில் அறிவுப் பூ விதைத்தாய்!

அம்மான் தலைமையில் பொறுப்புகள் ஏற்று — நல்
அமைப்புகள் பலவற்றை உருவாக்கினாய்!
தகவல்கள் சேகரிக்கும் கட்டமைப்புத் தந்து
திறமையாய் முகவர் வலையமைப்பை ஆக்கினாய்!
சரியான செய்தியின் நம்பகத் தன்மையைக்
கண்காணித்து ஊடுருவல் நுட்பங்கள் நோக்கினாய்!

கல்விக் குழுவொன்றைக் கையில் எடுத்து — உலகக்
கண்ணோட்டப் புத்தகங்கள் பலவுமே தந்தாய்!
ஆங்கிலத் திரைப்படக் காட்சிகளின் வழியே
அறிவியல் புலனாய்வுப் பயிற்சி தந்தாய்!
தவறுகள் நேர்கையில் பட்டறி வாக்கியே
வெற்றிகள் காண்பதில் வியூகம் வகுத்தாய்!

றோவின் துரோகங்கள் சூழ்ந்திட்ட போது — அதை
வேரோடு கிள்ளி எறியத் துணிந்தாய்!
அம்மானின் நேரடிக் கண்காணிப் பினிலே
அதிர்வுகளை நுட்பமாய் உடைக்க நின்றாய்!
விசாரணை வியூகங்கள் நேர்த்தியாய் அமைத்து
விதிமீறும் சதிகளை முறியடித்து வென்றாய்!

எப்போது மின்முகம் சிரித்திடும் தோற்றம் — நல்
நகைச்சுவை சொல்வதில் நிகரற்ற மாண்பு!
உள்ளகப் புலனாய்வுப் பொறுப்பினை ஏற்று
வன்னி நிலத்தைக் காத்த பெரும்பாம்பு!
எதிரியின் உளவாளிக் கூட்டத்தை அறிந்து
எடுத்தாய் காப்பரணாய் உன்னத வீரம்!

முக்கியப் பிரதேசங்கள் எங்குமே அன்று — எதிரி
முனைந்திட்ட குண்டுவெடிப்புகள் இல்லை!
திட்டமிட்ட சுடுகலன் தாக்குதல் இன்றி
திறமான இறுக்கத்தைக் காத்தது எல்லை!
அதிசயப் புலனாய்வுக் கட்டமைப்புத் தந்து
அசைக்க முடியா நிலையைத் தந்தாய் முல்லை!

மாற்று இயக்கத்து மனிதர்கள் தம்மையும் — அன்று
மன்னித்த தலைவனின் சிந்தனை ஏற்று!
நம்பிக்கை கொண்டோரை இனங்கண்டு சேர்த்து
நற்பயன் காட்டிடச் செய்தாய் ஊற்று!
திறமையாய்ப் புலனாய்வில் கையாண்ட பெருமை
உனக்கும் அம்மானுக்கும் உரியதோர் புகழ்!

“செண்பகம்” என்றொரு தகவல் மையம் — அது
தேசியப் பறவையின் பெயரினில் மலர்ந்தது!
தலைவனின் சிந்தனை வடிவமாய் வந்த
அந்தத் தளத்தின் பொறுப்பினை ஏற்றாய்!
முக்கியப் புலனாய்வுப் போராளிகள் சூழ
முன்னின்று நடத்தினாய் விடியல்கள் பல!

ஈராயிரத்து ஒன்பது மே மாதப் பதினேழில் — அந்த
இறுதி முள்ளிவாய்க்கால் மண்ணில் நின்றாய்!
பாராரும் துயரங்கள் சூழ்ந்திட்ட போதும்
பண்பாட்டு லட்சியக் கொள்கையில் வென்றாய்!
அடிபணியா வீரத்தின் அடையாள மாக
பகைவர்க்கு அஞ்சாத தீರமாய் நின்றாய்!

பதினெட்டாம் நாள் அதிகாலைப் பொழுதில் — தன்
பல்வரிக் குப்பியைச் சுவைத்து மடிந்தாய்!
அதிசயத் தளபதி பிரிகேடியர் மாதவன்
ஆருயிர் தந்துமே வீரத்தில் நிலைத்தாய்!
மாதவன் மாஸ்டரின் அர்ப்பணிப்பு என்றும்
மண்ணுள்ள வரையிலும் நெஞ்சினில் நிலைக்கும்!

#நிலவன்
ஊடகவியலாளர் &
உளவளத்துணையாளர் (Counsellor)