முள்ளிவாய்க்கால்: துரோகத்தின் சாட்சியம்

தொப்புள் கொடி உறவென்று சொல்லி நின்றோம்,
துயரம் வந்தபோது திக்கற்றுப் போனோம்,
அண்டை நாடு தந்த ஆயுதப் பலத்தால்,
அழிந்தது அங்கே தமிழரின் குலத்தால்!

மத்தியில் ஆண்ட ‘கை’ கொடுத்த ஆணை,
மாநிலத்தில் மௌனித்த ‘உதய’த்தின் துணை,
நாடகங்கள் ஆடிப் பொழுதைக் கழித்தார்,
நந்திக்கடல் ஓரம் எம் இனம் ஒழித்தார்!

மூன்று மணி நேரத்து உண்ணா விரதம்,
முள்ளிவாய்க்கால் கண்டதோ இரத்தச் சரிதம்,
பல்லாயிரம் உயிர்கள் துடித்தே அடங்க,
பார்வை ஒன்றின்றிப் போனதோ நம் இலங்கை!

ஆயுதம் கொடுத்து உதவி செய்த தேசம்,
அறத்தினை மறந்தே பேசியதோ பாசம்?
இன அழிப்புக்குத் துணை நின்ற கரங்கள்,
இன்றும் மாறாத் தமிழரின் ரணங்கள்!

வானில் இருந்து விழுந்ததோ குண்டுகள்,
வஞ்சகம் சூழ்ந்தே அறுந்தன தண்டுவங்கள்,
அரசியல் சதுரங்க ஆட்டத்தின் நடுவே,
அனாதையாய் நின்றது தமிழரின் விடிவே!

வரலாற்றுப் பிழையெனச் சொல்லுவார் நாளை,
வந்தே முடிந்தது இந்த இனத்தின் மாலை,
உடந்தையாக நின்ற உருவங்கள் யாவும்,
உண்மையின் முன்னே ஒருநாள் வீழும்!

இழந்த உறவுகளின் ஆன்மா துடிக்கும்,
இழைத்த துரோகம் என்றும் சுதிக்கும்,
முள்ளிவாய்க்கால் மண்ணின் ஒவ்வொரு துகளும்,
முழுத் துரோகத்தின் சாட்சியாய் ஒளிரும்

#நிலவன்
ஊடகவியலாளர் &
உளவளத்துணையாளர் (Counsellor)