தனது தாய்நாடான இலங்கைக்காக பிரார்த்தனை செய்யுங்கள் என இலங்கை அணியின் துடுப்பாட்ட வீரர் தினேஷ் சண்டிமால் தனது டுவிட்டர் பக்கத்தில் பதிவிட்டுள்ளார்.
நேற்றைய தினம் நாட்டில் பெய்த கடும் மழையினால் இதுவரை 91பேர்வரை உயிரிழந்துள்ளனர் என்றும், அந்த உயிரிழப்பு 100ஐ தான்டியிருக்கிறது என்று இன்னொரு தகவலும் தெரிவிக்கின்றது.
இதேவேளை, இந்த அனர்த்தத்தினால் ஆறு லட்சம் பேர் பாதிக்கப்பட்டுள்ளனர். தென் மாகாணம் முழுவதும் மக்களின் இயல்பு வாழ்க்கை பாதிக்கப்பட்டு மக்கள் பெரும் நிர்க்கதியான நிலைக்குள் தள்ளப்பட்டுள்ளனர்.
இலங்கை முப்படையினரும் மீட்புப் பணியில் களமிறக்கப்பட்டு, மீட்புப் பணி துரிதமாக்கப்பட்டுள்ளது.
இங்கிலாந்தில் நடைபெறும் சாம்பியன் டிராபி தொடரில் பங்கேற்பதற்காக இங்கிலாந்து சென்றுள்ள இலங்கை அணி பயிற்சி ஆட்டங்களில் விளையாடிக் கொண்டிருக்கிறது.
இந்த பயிற்சி ஆட்டத்தில் ஈடுபட்டுள்ள தினேஷ் சண்டிமால் தனது உத்தியோகபூர்வ டுவிட்டர் பக்கத்தில். இலங்கையில் இருந்து ஒரு சோகமான செய்தி வந்திருக்கிறது. நாட்டில் ஏற்பட்டுள்ள வெள்ளத்தினால் மக்கள் பெரும் துன்பத்திற்கு ஆளாகியுள்ளனர்.
அவர்களுக்காக நான் பிரார்த்தனை செய்து கொள்கிறேன். என்னுடைய தாய் நாட்டிற்காக பிரார்த்தனை செய்து கொள்ளுங்கள் என்று மிக உருக்கமாக பதிவு செய்திருக்கிறார்.
