களத்தின் பெருநெருப்பு: பிரிகேடியர் சொர்ணம்

யாழ்மண் பெற்றெடுத்த வீர மைந்தன்!
யார்க்கும் அஞ்சாத தீரச் செம்மல்!
திருக்கோண மலையினிலே வளர்ந்த கோமான்!
திருமைசேர் பிரிகேடியர் சொர்ணப் பேரோன்!

மின்னல் வேகத்து வீரம் கொண்டோன்!
மிடுக்குடன் சமராடி வென்ற தீரன்!
பின்னடை வென்பதை அறியாப் புலவன்!
பேர்புகழ் பிரிகேடியர் சொர்ணப் பேரோன்!

தலைவன் அருகினில் நிழலாய் நின்றவன்
தடையினை உடைக்கும் “பைபை”க் குரலோன்!
அலைகடல் ஓசை அடங்கும் பொழுதும்
அதிரடிச் சமரில் அசையாத் திறலோன்!

நிர்வாகத் திறனில் நிமிர்ந்த மேதை
நீதி வழுவா நெஞ்சுறுதி கொண்டான்!
சங்கர் அண்ணன் சரிந்த வேளை
வான்படைப் பொறுப்பைத் தோளில் ஏந்தான்!

ஜெயசிக்குறு எனும் நெருப்பு வளையம்
சிதைந்து போகச் செய்தவன் இவன்தான்!
ஒட்டுசுட் டானின் உன்னத வெற்றியில்
உயர்ந்து நின்றவன் உதிரமும் இவன்தான்!

காடு மேடு மணலாற்றுப் பகுதியென
காலடிப் பட்ட இடமெல்லாம் கவிதை!
நாடு மீட்கும் வேட்கை ஒன்றே
நாடித் துடிப்பின் லட்சியப் பாதை!

சிங்களப் படைகளின் சிம்ம சொப்பனம்
சீரணி வகுப்பதில் ஈடு இணையற்றான்!
புன்னகை பூத்த முகத்தோடு நின்றே
புரட்சிப் போரின் திசையை மாற்றினான்!

வான்புலிப் படையின் வளர்ச்சிக்கு உழைத்தான்
வானமே எல்லை எனத்தெரி வித்தான்!
தேன்மொழித் தமிழில் தேசத் துதிப்பாடி
தேசத்தின் விடுதலையை உயிரெனக் காத்தான்!

கடற்புலிச் சமரில் கரம் கொடுத்து
கடலலை மீதும் காவியம் படைத்தான்!
உடல்மன உறுதியால் உண்மையான தொண்டனாய்
உயிரினும் மேலாய் மானம் காத்தான்!

முல்லைத் தீவின் இறுதிச் சமரில்
முழங்கி நின்றான் மார்தட்டி அங்கே!
வெல்ல முடியாது எந்தப் பகையும் – என
விதித்துக் காட்டினான் வெற்றியை இங்கே!

வரலாற்றுப் பேரேட்டில் அழியாச் சின்னம்
வாழும் காலமெல்லாம் உன்நாமம் கவிதை!
தளபதி சொர்ணம் உன்வீரம் என்றும்
தமிழர் நரம்பினில் பாயும் குருதி!

#நிலவன்
ஊடகவியலாளர் &
உளவளத்துணையாளர் (Counsellor)